APOSTOLI

I.

APOSTOLI

apud Iudaeos, qui ad exigendum aurum atque argentum a Patriarcha certô tempore diriguntur, 1. 14. Cod. Theodes. de Iudaeis.

Coronarium scil. cuius canon anniversarius erat et a Iudaeis solebat pensitari, Car. du Fresne Glossar. Sed et iam ante in hac gente sic dictos fuisse, ait Baron. A. C. 32. qui pecuniatum, ad Templum sartum tectum conservandum, collectores, ellent, atque in observatione Legis Mosaicae urgenda, velut Legati iurisdictionem haberent. Equorum numero Paulus fuisse creditur, quem obtinuisse literas a principibus Sacerdotum legimus, ut si alicubi deprehendisset Christianos, velut Legis hostes, Hierosolymam vinctos abduceret. Unde non absque mysterio suam ad Galatas Epistolam his verbis orditur: Paulus Apostolus, non ab hominibus, neque per hommem, sed per Iesum Christum. Quasi dicat, Iam non amplius Apostolus sum, a Synagoga missus, sed Legatus Iesu Christi: Atque de his Apostolis Hebraeorum Epiphanius agit Haer. 30. ubi eos magna in veneratione, et dignitate apud suos populares fuisse, refert: duravitque nomen ac potestas ea in hac gente, usque ad principatum Theodosii, qui iis in C. de Iudaeis, titulum et potestatem huius Apostlolatus publicô Edictô prohibuit, vide Dominicum Marcum Hierolex. et prae hoc Iac. Gothofredum ad l. d. Cod. Theodos. ubi multa de Apostlosis Iucheorum. Sed et in Ecclesia Christiana, Apostoli Papiae dicuntur Haeretici quidam hoc sibi nomen sumentes, quia nihil proprium possidentes, nequaquam recipiant aliquid in hoc mundo possidentes. Eosdem Apostolicos appellat Augustin. de Haeres. c. 40. etc. Vide in voce Apostolici.

II.

APOSTOLI

nomen XII. Discipulorum Christi, quos miraculorum, linguarum, et infallibilitatis donô instructos, misit in universum orbem, ut Ecclesias ubique fundarent, et discipulas facerent omnes gentes. Horum omnina. Simon cognomine Petrus, Andreas frater esus: Iacobus Zebedaei fil. Iohannes frater illus: Philippus et Bartholomaeus: Thomas et Matthaeus: Iacobus, Alphaei fil. Lebbaeus, qui et Thaddaeus: Simon Cananaeus et Iudas Ischariotes, Matth. c. 10. v 2. 5. Qui ultimus cum Magistrô proditô, abiissec in locum suum, sorte ei surrogatus est Matthias Act. c. 1. v. 25, 26. His accessit tandem Paulus, peculiari elogiô Apostolus Gentium dictus, vide Gal. c. 2. v. 9. Ex his Iacobus, in Concilio Hierosolymitano, praesedit, Act. c. 15. v. 13. Boanerges, cum fratre, dictus a Christo, Marc. c. 3. v. 17. qui ambo quoque fratres Christi: et ςτύλοι dicuntur, una cum Simone agnominato Petro, Gal. c. 2. v. 9. Imo omnes 12. θεμέλιοι τοῦ τείχους τῆς πόλεως, Apocal. c. 21. v. 19. innixi lapidi illi ἀκρογωνιαίῳ Iesu Christo, Ephes. c. 2. v. 20. appellantur. Neque in feriorem se Paulus ait summis Apostlos, 2 Cor. c. 11. v. 5. Scripserunt Petrus, Iacobus, Iohannes, Matthaeus, Paulus et Iudas Thaddaeus: Vide quemque horum suô locô. Reliqui vivâ solum voce docuerunt. Etiam horum quidam caelibes, ut Paulus: reliqui uxorati, περιῆγον, in peregrinationibus suis, ἀδελφὰς γυναῖκας, ut Fratres Christi et Cepbas, 1 Cor. c. 9. v. 5. Unde Clemens Alex. l. 7. Strom. Petro non solum uxourm, sed et filios tribuit; Philippo item filios atuqe filias. Sic quoque Ignatius Petrum, imo et Paulum, aliosque Apostolos in matrimonio vixisse scribit, in ep. ad Philadelph. additque, caelibatus propugnatores inhabitatorum Angelum illum Apostatam habare, etc. Plura de Apostolis scire cupientes, vident singulos, in suis locis.